MAGAZINE COVER #42

Philippine Free Press Magazine

August 1968

* * * * * * 

AMORSOLO: IPININTA SI SUSAN (Taliba, Marso 2, 1967)

Click on images to enlarge

Ang larawan ni Susan Roces na ipininta ni National Artist Fernando Amorsolo na ginamit para sa pelikula ng FPJ Productions, ang "LANGIT AT LUPA" (1967).

AMORSOLO:  IPININTA SI SUSAN

Ipininta ni Don Fernando Amorsolo, kinikilalang decano ng mga painter na Filipino, ang isang larawan o retrato ng actress na si Susan Roces para gamitin sa peliculang “Langit At Lupa” ng FPJ Productions.

Ang painting na ito ni Don Amorsolo ay lubhang mahalaga para sa maipakita ang ganap na dramatic implication sa isang magandang ecsena ng pelikula.

Sa katotohanan, si Don Fernando Amorsolo ay kasama sa pelikula, pero ang kanyang papel ay gagampanan ng isang top actor ng FPJ Productions na si Mario Escudero.

Sa tagpong kukunan sa loob ng istudio ng decano ng mga pintor na Filipino ay makikita si Ronnie Poe, ang vidang lalaki na katambal ni Susan Roces, na nakikiusap kay Don Amorsolo na ipinta lamang ang retrato ng babae.

Ang kasaysayan ng “Langit At Lupa” ay tumatalakay sa isang obrero o trabajador sa minahan ng ginto.

Dahil sa isang pagguho o catastrophe sa loob ng isang tunnel ay nagkaroon ng daan para magkalapit ang mga puso ng vidang lalaki at vidang babae.

Umiikit din ang istoria ng “Langit at Lupa” sa halos isang hindi mapaniwalaang problema ng pag-iibigan, na panahon lamang ang maaaring makalutas at ng walang kamatayang devocion ng isa’t isa.

Gayunman, sa kabila ng lahat ng ito, dahil sa mahusay na pagkakasulat ng script, ng makatotohanan o realistic na paglalarawan ng mga artista sa kani-kanilang role, at sa mabuting pamamahala ni Director D’Lanor, ay naging possible ang imposible kaya’t tinitiyak a magugustuhan ng publico.

Source:  Taliba, Marso 2, 1967

              National Library

* * * * *

SUSAN ROCES: ALBUM NG MGA ARTISTA (LIWAYWAY, ABRIL 8, 1957)

Click on image to enlarge

* * * * * *

SINE-KOMIKS: "BAYAN KO, LUMABAN KA!" (1965)

Click on images to enlarge

Source:  Taliba/National Library

* * * * * *

"ABARURAY-ABARINDING" (1963)

Click on images to enlarge

  

 “ABARURAY-ABARINDING”

1^ST Anniversary and New Year Offering of

VP Pictures

Director:  Rosa Mia

Release Date:  January 1, 1963

Life Theater

(Movie ads courtesy of Simon Santos/Video 48)

 

Source:  Taliba/National Library

* * * * * *

"BAYAN KO, LUMABAN KA!" - NOBELA NG TAGUMPAY, PANG-ANIBERSARYONG PELIKULANG MAY KULAY (Tagumpay Magazine, June 2, 1965)

Click on images to enlarge

Article written by Fe Almazan-Tingson

Source:  Tagumpay Magazine, June 2, 1965/National Library

NOBELA NG TAGUMPAY, PANG-ANIBERSARYONG PELIKULANG MAY KULAY

Sinulat ni Fe Almazan-Tingson

Isang pelikulang punung-puno ng aksiyon, madula at naglalarawan ng kagitingan at kabayanihan ng mga anak ng bayan ang kasalukuyang isinasapelikula ngayon ng Lea Productions.

Aksiyon, sapagka’t ito’y digmaan; madula – sapagka’t nakataya ang buhay at kapalaran ng dalawang pusong nagmamahalan.  Papaano nila maliligtasan ang digmaan?  Papaano kung isa lamang sa kanila ang palaring mabuhay?  Ano naman ang magiging damdamin ng mauulilang puso?

Iyan ang napapaloob sa magandang nobelang BAYAN KO, LUMABAN KA!.  Kasaysayang inilalathala sa lingguhang Tagumpay.  Pinagtulungan ito ng dalawang kilalang manunulat:  sina direktora Susana C. de Guzman at Ben Feleo.

Gumaganap sa papel ng isang magandang nars si Susan Roces.  Hindi lamang ito ang misyon niya.  Siya man, sa kabila ng pagiging nars ay naging bahagi pa rin ng matatapang na kawal ng bayan na hindi natakot humawak ng baril sa pakikipaglaban.  Hindi niya nilingon ang kanyang kalagayan bilang babae.  Dalawang misyon ang kanyang ginampanan; si Susan Roces – ang nars at siya pa rin bilang isang matapang na gerilyera.

Kasama sa pelikulang ito ang simpatikong si Romero Vasquez.  Kabituin din ang mga artistang sina Celia Rodriguez, Renato Robles, Fred Galang, Malony Antonio, Johnny Long, Angel Confiado, Venchito Galvez, Bert Laforteza, Bruno Punzalan.  Sa direksiyon naman ito ni Armando de Guzman.

Ito ay isinasapelikula ng Lea Productions bilang Pang-Anibersaryong handog at sa Eastman Color.  Itatanghal ang Premiere night sa Hunyo 12 sa dulaang Cinerama.

* * * * *